مرحباً، أنا بدر، مطور ويب من الكويت، ومؤسس منصة أدواتي (Adwaty.net).
في 2024، كنت طالب أشتغل على مشاريع الجامعة وأحتاج كل يوم أحول ملف PDF، أضغط صورة، أحسب زكاة، أحول تاريخ هجري... كنت أتنقل بين 10 مواقع مختلفة، كل موقع فيه إعلانات مزعجة، يطلب تسجيل، أو يحط علامة مائية.
قلت: ليش ما أسوي موقع واحد يجمع كل الأدوات اللي نحتاجها يومياً؟ موقع عربي، نظيف، سريع، مجاني 100%، بدون تسجيل، بدون علامة مائية، ويحترم خصوصيتك.
اشتغلت على أدواتي أكثر من 14 شهر متواصل، صرفت أكثر من 2000 دينار كويتي على الاستضافة، البرمجة، والتصميم. بنيت أكثر من 250 أداة تغطي 8 مجالات: أدوات PDF، الصور، الحاسبات، التحويل، الزكاة، النصوص، الملفات، والمطورين.
كل أداة برمجتها بنفسي، جربتها مئات المرات، عشان أضمن إنها تشتغل بدون مشاكل وتحذف ملفاتك بعد ساعة تلقائياً.
مهمتنا بسيطة: نوفر وقتك. بدل ما تحمل 5 برامج، افتح أدواتي وخلص شغلك في 10 ثواني.
نحن لا نجمع بياناتك الشخصية. لا نبيع ملفاتك. نستخدم تشفير HTTPS. موقعنا مفتوح المصدر جزئياً ونستمع لاقتراحاتكم يومياً على contact@adwaty.net
عندك فكرة أداة جديدة؟ لقيت مشكلة؟ راسلنا على contact@adwaty.net ونرد عليك خلال 24 ساعة. شكراً لأنك جزء من قصة أدواتي.